唔係話要乜都管住晒，平時出街點樣我真係好少理，但係返工還返工，就算公司規矩講明可以着 Casual Wear，都唔係代表着乜都得囉。

我作為男人呀，當然知道男人鍾意𥄫 D 乜，所以先唔比彼女亂咁嚟啦。彼女話可以返得工個 D 衫，唔係露膊就吊帶。我係男人呀，公司有個女同事着呢 D 露膊吊帶都會望多幾眼啦，坐喺公司一日八九個鐘係咁比人𥄫咁樣好咩？唔係話下下低胸露腰先叫做性感嫁。

彼女原本唔係好聽我講，照着呢 D 裝束返工，我都隻眼開隻眼閉就算。但係有一日，彼女同我講公司有個咸濕伯父成日借 D 依𥄫下公司 D 妹妹，兼且言語上性騷擾下佢地。聽到呢單野之後，禁令當然要嚴格執行啦，唔通要等到比條伯父彈下條吊帶先知驚咩？

總結一句，男人只會想其他女人着得少，自己女人着得有咁密實得咁密實。所以，彼女都係乖乖地揀過 D 衫返工，返工之前一日提供一張清晰嘅全身照入紙審批啦。

彼氏

十一月一日

​

​

​

​