毛孔粗大原因你要知！有效正確清除黑頭粉刺方法介紹︱了解黑頭貼、針清、碳粉激光、煥膚療程優缺點
暗瘡、黑頭、粉刺，呢啲睇落最簡單嘅皮膚問題，偏偏最易令人掉以輕心，即使佢哋細細粒，但成面都係積存落嚟嘅污垢，已經為外表帶嚟嚴重影響！不過好多人以為自己喺屋企勤力啲，多啲做面部磨砂、控油、深層清潔，或者做下針清就能夠解決黑頭同粉刺。事實上，如果用錯方法清除黑頭粉刺，就連毛孔都會變得粗大，適得其反！所以從毛孔粗大原因著手，先係治本嘅方法，市面有唔同種類嘅煥膚療程可以輕鬆改善問題，不過佢哋係點樣發揮作用？各種煥膚療程又應該點揀？
油脂堵塞毛囊 皮膚問題之始
其實暗瘡、黑頭、粉刺等種種皮膚問題，成因係油脂分泌冇得到適當疏通，令毛孔堵塞。當皮脂線分泌正常，達到水油平衡，毛孔疏通，皮膚會顯得平滑，膚色亦都會均勻亮澤。之不過當皮脂腺產生過多油脂，特別係油性肌膚嘅朋友，但又唔可以及時喺毛囊排走，油脂就會慢慢開始喺毛囊深處堵塞，形成輕微嘅「白頭粉刺」；當積聚喺毛囊開口處、皮膚表面嘅油脂接觸到空氣，就會氧化變黑，形成「黑頭」。
如果鼻頭上嘅白頭同黑頭數量太多，就會有「士多啤梨鼻」，影響外觀。而長期積累阻塞毛孔嘅油脂，或者平日落妝唔乾淨，殘留化妝品等污垢，無法清除，除咗會形成黑頭、粉刺，仲會令毛孔粗大。若果堵塞毛囊嘅油脂再遇著細菌滋長，就會開始發炎變成暗瘡，假如發炎情況愈嚟愈嚴重，可以導致丘疹、膿疱、結節同囊腫，破壞表皮甚至毛囊附近嘅組織，仲會造成暗瘡印、疤痕、皮膚下陷。
而家我哋一於就比較下解決毛孔粗大原因，清除黑頭粉刺嘅幾大方法，同埋各自嘅優點同潛在副作用。
以為黑頭貼針清磨砂有效除黑頭 竟成毛孔粗大原因
唔想畀黑頭粉刺「小事化大」，好多人嘗試用黑頭貼、鼻膜、黑頭針，再配合埋磨砂潔面，之但係頑固嘅黑頭粉刺點會咁易清除？好似黑頭貼只要黐喺個鼻等幾分鐘就可以直接撕開清黑頭，又或者搽泥膜喺面上敷幾分鐘再用水洗乾淨就得，聽落的確幾方便，之不過黑頭係堵塞毛孔嘅深層污垢，所以撕出來嘅只係正常嘅油脂分泌物，用完鼻貼之後覺得毛孔乾淨晒，只係美麗嘅錯覺，撕得太密仲會刺激皮膚導致敏感添。
唔少人亦會用感覺更徹底嘅圈型黑頭針，將潛藏喺毛孔嘅黑頭擠出，又或者用勾型鉗將外露嘅黑頭逐條鉗走。但過程中皮膚經過擠壓同針刺，一定會出現紅印、產生痛感，甚至出現紅腫，而且擠壓亦會只係將深藏嘅污垢愈堆愈入，變毛孔粗大嘅原因。
至於磨砂潔面產品旨在加強清潔能力，去除老化角質，不過清潔過多反而令臉部油脂分泌失衡，皮膚乾燥老化；過度磨砂仲可能破壞表皮角質層，削弱皮膚天然保濕能力，導致敏感性皮膚，毛孔更加粗大，所以徹底清除黑頭粉刺、擺脫毛孔粗大原因，最有效嘅方法就係選擇煥膚療程。
兩大常見煥膚療程方法比較
市面上嘅煥膚療程主要採用化學性煥膚，或者碳粉激光處理。
1) 化學性煥膚
化學性煥膚即係使用化學產品例如果酸、水楊酸，改變深層肌膚酸鹼度。
優點：
有效抑制油脂分泌，軟化同清除阻塞喺表面嘅老舊角質，減少粉刺暗瘡形成。
缺點：
一般化學性煥膚因為加速表面角質代謝，容易令皮膚變薄變乾燥，有機會加重敏感情況，甚至甩皮。
2) 碳粉激光療程
碳粉激光藉着激光產生嘅熱能去疏通被堵塞嘅毛孔，透過混合油劑嘅碳粉滲入毛孔，加強皮膚吸收激光能量。
優點：
平衡油脂分泌，激光波長更可以刺激膠原蛋白細胞更生，達到收細毛孔、淡化黑斑、美白肌膚嘅效果。
缺點：
激光會令皮膚變乾，唔適合乾性皮膚人士，而且皮膚經激光受熱刺激，容易泛紅，加上有傷口每次做完要等3至7日復原，之後又要隔幾星期先可以再做療程，周而復始，非常困擾。
XR PRO深層清空毛孔積藏污垢 轉煥理想中性膚質
想真正解決毛孔粗大原因、清除黑頭粉刺、暗瘡煩惱，小編強力推薦大家試試 MEDILASE獨有嘅「XR PRO膚質轉煥療程」，從源頭著手轉煥膚質，全面提升細胞自我修復，深層修復毛孔。有別於一般果酸療程，XR PRO使用高濃度嘅專屬複合配方，利用細小分子結構滲透真皮層，溶解積存嘅油脂污垢，徹底清除皮膚老廢細胞，令底層毛孔回復潔淨緊緻，重建皮層組織修復力。XR PRO療程同時有效刺激膠原蛋白增生，將膚質輕鬆轉換至健康嘅中性膚質，平衡水油分泌，令膚色變均勻，肌膚就自然回復亮澤啦。
零創傷無復原期 效果持久一次見效
XR PRO療程無創傷性，所以應用喺任何膚質都冇問題，就連大部分敏感肌、容易泛紅、抵抗力較弱嘅肌膚都同樣適用。而且佢仲無復原期，接受XR PRO療程之後可以即時上妝，完全零影響！
更重要係快見效又keep得耐，XR PRO膚質轉煥療程，一般做1次已有即時效果，大約4至6次就已經達致最佳效果，2 次療程後，黑頭粉刺暗粒可以清除達 50%，毛孔明顯收細；完成 4-6 次療程後，皮膚光澤度仲提升達97%。當然實際次數視乎個人皮膚狀況同生活習慣而定，一般建議每隔 2 週進行一次療程，8至12個星期內完成整套療程。
最後一步都係要搵個專業有信譽嘅brand去進行療程，講到小編嘅信心之選，第一時間就諗起MEDILASE，佢哋嘅治療師全部都經過訓練同埋有豐富嘅臨床經驗，值得信賴。而喺療程開始前，治療師仲會為客人進行透徹嘅皮膚分析，確保大家係咪適合進行療程。最意外嘅一點，係佢哋提供嘅XR PRO膚質轉煥療程，每次只係需要 40 分鐘，食個quick lunch嘅時間就搞掂，就算平日收工去做都唔會阻礙行程，放假去做仲可以plan其他活動，真係好方便。
如果你都想搵MEDILASE一次過解決毛孔粗大原因、清除黑頭粉刺、暗瘡、膚色暗啞嘅問題，可於官網登記或立即 WhatsApp 查詢:https://bit.ly/48gA9eK