Juvelook效果有幾神奇？最hit韓國素顏針 一針改善毛孔粗大凹凸洞+膠原針大分析
毛孔粗大、膚色暗啞、仲有平日手多擠暗瘡留低嘅滿臉痘疤，真係好難搞！想解決呢啲問題，又唔想靠化妝厚粉遮遮掩掩，咁就一定要了解下而家最hit嘅韓式「Juvelook素顏針」！呢個療程專門針對毛孔、膚質同凹凸洞問題，打造自然無瑕嘅美肌效果。想知Juvelook效果有幾神奇？而家即刻睇下佢嘅原理、特點同好處！
創新2合1微分子膠原針 Juvelook效果熱爆醫美界
嚟自韓國嘅「Juvelook素顏針」熱爆全球醫美界，因為佢並唔係一般嘅補水針或者透明質酸，而係結合咗兩種獨特成份嘅創新微分子膠原療程，一方面做到即時填充同保濕效果，另一方面可以持續刺激膠原蛋白再生，令肌膚回復飽滿緊緻！
點解Juvelook效果咁強大？秘密就係PDLLA（聚左旋乳酸）同透明質酸（Hyaluronic Acid/ HA）呢兩種成份。
PDLLA：獨特網狀結構 刺激膠原再生
PDLLA係一種可以刺激膠原蛋白增生嘅生物材料，取材自PLA（Poly Lactic Acid）。PLA本身由粟米或者馬鈴薯之類嘅農產品，發酵後嘅物質而成，係常見嘅可溶解醫療材料，獲美國 FDA同歐洲監管機構批准使用，好似手術縫合線、骨科植入物都搵得到，而PDLLA就係PLA之中最安全、最具生物相容性嘅成份。
Juvelook採用由專利技術生產嘅PDLLA，佢特殊嘅外層多孔同內層網狀結構，可以減少注射後對周圍組織嘅損傷，減輕炎症反應，然後再逐漸分解，以安全嘅方式刺激肌底膠原蛋白均勻增生，逐步產生填充支撐、飽滿有彈性嘅美肌效果。
完美結合HA 打造無瑕水光肌
Juvelook另一主要成份，就係幫助皮膚提升水分嘅非交聯透明質酸（HA），當PDLLA同HA兩者合二為一，治療效果更加全面。
不過市面上有咁多款膠原針，佢哋之間有咩分别？而家即刻比較下最常見嘅三款產品：
Juvelook 素顏針 | Derma Veil 得美顏 | Ellanse 少女針 | |
|---|---|---|---|
主要成分 | 聚雙旋乳酸 (PDLLA) + 非交聯透明質酸 (HA) | 聚左旋乳酸 (PLLA) + 甘醇酸 (Glycolic Acid) | 聚己內酯 (PCL) + 羧甲基纖維素 (CMC) |
作用 | PDLLA刺激膠原蛋白增生，HA提供即時填充同保濕效果 | PLLA刺激膠原蛋白增生，甘醇酸加速細胞代謝，增強嫩膚同提亮效果 | PCL微球刺 激膠原蛋白增生，CMC 凝膠提供即時填充，拉提塑形效果 |
注射層次 | 小分子，適合真皮層淺層注射 | 主要注射喺真皮層，適合中層填充同嫩膚 | 主要注射喺皮下層，適合中、深層填充 |
適用部位 | 全面膚質改善 (毛孔、痘疤、細紋)、淚溝、頸紋、妊娠紋、橙皮紋等 | 面部凹陷、皺紋、膚質提亮，特別適合需要嫩膚同均勻膚色嘅部位 | 太陽穴、蘋果肌、法令紋、面頰、木偶紋、下顎線等深層凹陷同輪廓修飾 |
效果持續性 | 12-24 個月 | 大約 2 年 | 1-4 年 (視乎型號) |
即時效果 | 可即時填充、保濕 | 唔明顯，需要等待膠原增生 | 可即時填充 |
恢復期 | 極短，無需按摩，或有輕微紅腫瘀青，幾日內消退 | 恢復期稍長，要適度按摩避免結節 | 恢復期短，可能需輕微按摩 |
安全性 | 高 PDLLA可完全分解，HA為人體天然成分，結節風險低 | 高 | 高 |
其實三款膠原針Derma Veil、Ellanse、Juvelook效果好，安全性都非常高，點樣選擇就好視乎需要。
譬如結合PDLLA同HA嘅Juvelook有效短期修復同長期改善肌膚問題，尤其適合想改善細紋、痘疤、毛孔粗大等膚質問題嘅用家，仲有即時填充同長期膠原增生效果，恢復期短，又唔需要按摩。
Derma Veil以PLLA為主再加入甘醇酸，提升嫩膚效果，適合需要提亮膚色，以及改善中層凹陷嘅人士，但係即時填充效果就唔明顯，需要適度按摩嚟防止結節；Ellanse就以PCL為主，加上CMC凝膠提供即時填充效果，效果持久，適合深層凹陷同埋希望修飾輪廓嘅用家，不過成本比較高，較為適合做局部精準填充。
整體嚟講，如果以改善細紋、痘疤、凹凸洞為護膚目標的話，Juvelook必定係你嘅首選。
Juvelook 效果顯著 五大皮膚問題 一針KO
「Juvelook素顏針」有效解決多種肌膚問題，尤其喺呢五方面特別顯著：
-
幫助收細毛孔
-
撫平細紋淚溝頸紋
-
填補凹凸洞
-
改善暗瘡印
-
提升整體膚質
仲可以廣泛應用喺身體包括前額、蘋果肌、下巴、手部、胸部、臀部等等部位，大家睇下以下注射前後嘅真實個案，就知道Juvelook效果有幾神奇、幾明顯。
(1: 療程前：肌膚缺乏彈性，色澤暗啞；療程後：肌膚光滑細緻有亮澤)
(2: 療程前：毛孔粗大、凹凸洞情況嚴重；療程後：毛孔收細，凹凸洞明顯平滑)
(3: 療程前：皮膚明顯鬆弛有皺褶；療程後：輪廓回復緊緻)
打Juvelook有咩要注意？
Juvelook以三次為一個療程，建議起初頭三針每隔一個月打一次，咁就可以將美肌效果keep到12-16個月喇。至於一般打針後嘅針孔、瘀青、輕微腫脹感都屬於正常，通常幾日內就消退，唔駛擔心。
Juvelook效果可以喺邊度體驗？
香港唔少美容中心其實都有提供Juvelook素顏針療程，但如果你想要安全又專業嘅體驗，MEDILASE絕對係你嘅首選！
因為MEDILASE係Juvelook嘅原廠認證美容中心，所有產品都係正貨，包裝盒身有防偽雷射標籤 ，樽身仲有QR Code 正貨認證碼，雙重把關，絶對唔會有假針或者劣質材料嘅問題，大家可以安心。
而且MEDILASE每間旗艦店都有兩位具有專業資格同豐富臨床皮膚科經驗嘅駐場醫生支援，會因應你嘅膚質設計最適合你嘅方案。再加埋三大旗艦店就喺尖沙咀、旺角同銅鑼灣，地點超方便。
如果你都想要細緻毛孔、緊緻平滑嘅自然水光肌，咁就唔好再等喇！而家MEDILASE做緊首次療程優惠，即刻聯絡就可以用超抵價$200優先留位預約，由專業醫生主理。快啲去MEDILASE網站 https://bit.ly/45FAgko 登記，或者直接WhatsApp https://bit.ly/3J0HhUd 聯絡，感受Juvelook素顏針帶畀你嘅肌膚奇蹟！