Exosome外泌體+黃金微針射頻組合 韓國熱爆美肌修復天花板 秒速KO毛孔色斑皺紋
留意開醫美嘅你，一定聽過Exosome外泌體呢個成份，無論喺護膚品、美容療程都會見到佢！外泌體堪稱「肌膚修復天花板」，有效刺激皮膚細胞再生，秒速改善毛孔、色斑同皺紋，原來配合埋微針射頻深入滲透，效果會更快更好！想知外泌體點解咁勁？小編而家就由佢嘅原理、功效、療程注意事項等等，同你逐項拆解！
外泌體係咩嚟？
Exosome外泌體係一種由細胞分泌嘅微細囊泡，直徑大概只有30-150nm，但就含有多種生物活性因子，例如蛋白質、脂質、RNA（核糖核酸）等等，由於體積細，好容易就穿過毛細血管深入其他細胞組織。
功能上，外泌體就好似個郵差咁，專門負責喺細胞之間互相傳遞訊息，受損嘅幹細胞於是可以同其他幹細胞「開聲」求救，去進行各式各樣嘅修復，包括促進組織再生、調節免疫系統、抑制發炎反應等等嘅作用，令細胞繼續存活，所以愈嚟愈受到醫美界重視。
特別值得注意嘅係E-50呢種外泌體，佢含有50億細胞顆粒，仲攜帶更多生物活性分子，所以細胞穿透力都特別強。而且E-50用最大限度去除其他雜質顆粒，確保每粒外泌體嘅直徑都長達175nm，係數量、純度同質素上都比一般更高更穩定嘅「真」外泌體，大大增加同其他細胞嘅接觸面之餘，進一步提高滲透力，所以美肌效果就更強大。
Exosome外泌體 驚人功效大解構
-
抗衰老、促進皮膚修復：外泌體嘅多種生長因子同細胞信號分子，可以喚醒纖維母細胞，促進DNA修復
-
活化細胞：有效激活幹細胞，促進組織生長，刺激皮膚細胞再生
-
增強皮膚抵抗力：外泌體抗氧化抗炎分子能夠增強皮膚抵抗力，減少皮膚受到自由基同環境污染物嘅損傷
-
改善膚質與彈性：多種蛋白質同細胞外基質成分，可以滋養柔軟皮膚，令肌膚變得光滑有彈性
-
改善皺紋、皮膚老化：刺激膠原蛋白同彈性纖維生成，有效改善皮膚老化、減淡細紋同皺紋，令皮膚更年輕有活力
Exosome外泌體 配合微針射頻 效果加乘
其實外泌體可以直接搽喺皮膚上，當做日常護膚，之不過真正將想佢嘅美肌效果全面發揮，專業微針導入絕對係更好嘅選擇。因為單純喺皮膚上塗抹，最表面嘅角質屏障會形成阻隔，限制大量活性訊號滲透，令穿透力減弱，最多只可以滲透至0.2mm以下嘅表皮層，傳遞唔到刺激皮膚細胞再生修復嘅信號。
相比起傳統嘅護膚方法，外泌體微針射頻療程絕對係一個安全又有效嘅選擇，煥膚效果更加顯著同持久，皮膚回復活力年輕，令注重肌膚健康嘅你更加自信。如果你都想即刻體驗Exosome外泌體療程嘅神奇效果，快啲去MEDILASE網站 https://bit.ly/46viO2I 或者WhatsApp https://bit.ly/46EzuU7 聯絡，制定最適合你嘅美肌計劃！
常見 Q & A
Q：Exosome外泌體療程適合咩人？
A：療程適合大部分想改善肌膚狀態嘅人士，特別係25歲以上開始出現肌膚衰老徵狀，包括細紋乾紋、色斑、毛孔粗大、肌膚暗沉等問題，以及乾燥、敏感性皮膚、工作繁忙經常熬夜導致膚色暗啞，肌膚容易疲倦，療程有助舒緩抗炎、提升肌膚濕度、均勻亮度。甚或係做過水光、煥膚等基礎醫美，想再升級修復肌膚嘅朋友都非常適合。
Q：咁邊類人士唔適合做療程？
A：懷孕同哺乳期間嘅女士、皮膚有開放式傷口/創傷、或者皮膚發炎、濕疹、玫瑰座瘡，甚至有增生性疤痕、嚴重或囊腫形暗瘡，以上情況嘅人士都唔適合進行外泌體療程。
Q：微針射頻療程會唔會痛？
A：其實療程前會敷麻醉膏，過程中只會有輕微刺痛感，大部分人都可以接受。療程後可能會有輕微泛紅，但通常幾個鐘頭內就會消退。
Q：隔幾耐做一次微針射頻療程效果最好？
A：喺起初嘅強化期，最理想係做完第1次之後相隔14日做第2次，然後再隔14日做第3次。完成頭三次療程後，就進入維持期，可以每3至4星期做一次。
Q：療程後有咩注意事項？
A：療程後要注意防曬，避免使用刺激性護膚品，多飲水幫助肌膚修復。建議療程後一星期內唔好做其他侵入性美容療程。