【Shooting一Wall瘋】

好背景容易成就一張靚相,無論行街、食飯、做運動,還是去旅行,想影相嘅時候記得以下精選九大特色牆!

 

1. 色彩牆

紅藍黃綠黑白灰甚至彩色,找一道能表達當時心情嘅色彩牆,將情緒拉到最高。

 

 

 

2. 文字牆

如果色彩牆唔夠表達,就利用文字牆啦!直接寫出妳嘅心情、價值觀。

 

 

3. 翼之牆

講到翼之牆,最有名一定係首爾,有關相片充斥各大社交平台,甚至有人去影婚紗相。其實除咗天使一般嘅羽翼,蝴蝶嘅翼都好靚㗎!

 

 

4. 花草牆

花花草草散發少女味,亦帶出輕鬆喜悅嘅氣氛,不少cafe或者婚禮場地都搵到花草牆,可以襯托出女生嬌柔一面。

L編

終日遊山玩水,吃喝玩樂,多元吸收用以發放最大正能量。

Photos Via Instagram

 

 

5. 霓虹牆

霓虹迷幻,最能影出型格,不過霓虹燈已經少見,仲要搵道霓虹牆真係幾罕有,特別喺西方國家,小心誤闖紅燈區。

6. 品牌牆

大大個brand name整喺牆,妳影相仲幫佢宣傳,但整得咁靚叫人點忍手唔影先!特別去到日本,間間鋪都好似等住妳影咁!

7. 圖畫牆

走埋去,傻更更同塊壁畫玩吓互動吓,做人唔好成日咁拘謹,間中要放鬆心情。

8. 心之牆

心心可以好多變,有粉色系可愛feel,「你+我=心」嘅放閃系列,帶一點點塗鴉味就走型格路線,總有一款啱妳。

9. 街招牆

最具香港特色,一定係貼滿街招廣告嘅牆壁,就連窪塚洋介早前嚟香港都要影一影。

COPYRIGHT 2019 ©ALLGIRLSHK. ALL RIGHTS RESERVED