彼氏同大部分男友一樣，都係講一半唔講一半嘅，只係講彼氏屈佢，但就無講到一件事 —— 其實佢係有前科㗎！

話說彼氏同彼女喺大學時期已經識對方，雖然當時仲未係太熟，但係已經聽唔少關於彼氏嘅流言，偏偏彼女又記得一清二楚 :)

大家同一幢Hall，好多消息都互通，咁大學生有返一兩份補習喺手好正常，好地地點解會比人傳同學生有路㗎？彼氏死口唔認，彼女亦都無從考究，但係心裡有數囉！

後尾 Ocamp 大家終於同組，偏偏又比彼女見證住彼氏主動提出亂搞男女關係！可能講得嚴重咗少少，但係做咩無啦啦要揀個靚女組媽「扮一齊」呃班組仔女吖？彼女真係諗極都諗唔明！

講返兄弟嗰筆，喜愛夜蒲係真㗎！每次唔係食飯直落飲嘢，就係直接出去飲嘢！清 Bar 都係「動吱動吱」嘅啫，仲唔係喜愛夜蒲？同埋彼氏咁靚仔，出到去會比人溝架嘛！唔擔心就假啦！

雖然彼女認自己係想像力有少少豐富，不過如果唔係彼氏有過前科，都無位比彼女入啦，啱唔啱先！所以唔好再話我屈你喇，你反省吓先啦！