【富士河口湖紅葉祭11月1日開催】

富士山山腳有五個湖泊,其中一個係河口湖,每年11月都會舉行紅葉祭,今年已經到第19屆,如果有時間,真係可以由天光玩到天黑。

有幸遇上好天氣,河口湖畔隨處都係觀山好位,而紅葉祭必遊景點非「もみじ回廊」莫屬,兩旁 60 棵大樹都換上火紅色彩。樹上紅葉壯麗,但落「紅」不是無情物,地上紅葉一樣美艷,點影都咁靚,人亦好自然就學咗日本人安安靜靜地觀賞,順住人潮等待有利的影相位。

L編

終日遊山玩水,吃喝玩樂,多元吸收用以發放最大正能量。

追楓的日子加上鄉郊地方,其實都幾凍,剛好走完もみじ回廊,外面就有美食攤,最吸引是100円「甘酒」。清酒或者妳飲得多,甘酒又是乜東東?從大湯煲盛出一小杯,乳白色,有一點點酒渣,熱騰騰的帶有酒香但甜味更重,聽講酒精濃度低得小朋友都可以飲,是秋冬祭典經常出現的飲品。坐喺暖爐旁邊睇住富士山同紅葉飲返杯,真是feel到從嘴邊暖入個胃呀!

另外,連絡河口湖各個景點的「もみじ街道」,沿路仍有不少攤檔賣手工藝品、當造水果。行到攰,影到攰,介紹妳食個傳統鄉土料理。去到山梨縣河口湖,一定要食「ほうとう」(餺飥),用蘿蔔、香菇、南瓜等蔬菜加入味噌,整鍋上枱的麵條,食完個湯仲出緊煙,好味又暖身。

日落開始到晚上10點仲會點燈,來個夜觀紅葉!就睇妳可以花幾多時間玩轉紅葉祭。

地點:河口湖畔

 

 

Info

2017富士河口湖紅葉まつり

日期:11月1日~11月23日

時間:9am~7pm(點燈:日落~10pm)

COPYRIGHT 2019 ©ALLGIRLSHK. ALL RIGHTS RESERVED