【彼氏呻冤：唔好再屈我】

其實女人係咪天生都姓屈。

彼女好多興趣，鍾意煲劇、聽歌、整甜品、打機仲有游水。不過最大嘅興趣都係屈我，對於我身邊所有發生嘅事情都極度敏感。

每當同彼女出街期間，電話一有 Whatsapp「叮～」，彼女就會金睛火眼咁望到實，「邊個囡囡揾你？﹗」但係十次有十次都係同事或者兄弟搵我⋯⋯ 然後比彼女睇兄弟 Send 比我 D Message，無論內容關於乜嘢都好，佢都會補一句「係咪要約你出去喜愛夜蒲？﹗」

仲記得好耐之前，彼女第一次上嚟我屋企，佢一見到我枱頭痴咗幾張聖誕卡，就話「哦﹗係邊 D 囡囡送嘅？﹗」實情其實係我舊朋友 D 細佬妹送比我嘅聖誕卡。