彼女正常OL返工時間朝十晚七，但係彼氏就無限OT，基本上日日放工時間都唔同，好彩嘅可能會早過彼女，唔好彩嘅彼女食埋飯佢都未放工 :(

 

由於時間唔多，可以選擇嘅拍拖項目非常有限：

食飯？有時夜咗少少，好多餐廳都已經Last Order，都無乜嘢可以揀⋯⋯

睇戲？唔係成日都咁多戲睇，不如留返啲錢食多球雪糕好過！

 

咁究竟平時彼氏會做啲咩，令彼女唔會咋佢型呢？

 

就係：散步返屋企喇～

彼氏做嘢嘅地方咁啱好近彼女屋企，其實好多時放工搭埋車去彼氏公司，就差唔多時間接彼氏收工兼食晚飯。食飽自然飯氣攻心，呢個時候最啱就係散步返屋企！

 

行唔同嘅路所需要嘅時間都唔同，不過大概都係45分鐘至60分鐘內到達。彼女好Enjoy呢段時間，因為可以完全得到彼氏嘅焦點，喺一日辛苦嘅工作過後，向彼氏吐吓苦水又好，講吓無聊嘢都好，彼氏都會照單全收。

 

最簡單嘅節目，就係彼女最享受嘅時間。