唔知你哋女朋友嘅姊妹係點, 彼女嘅姊妹嚟講, 一個字, 累人、靠害!

 

彼氏細細個就深深明白一個道理:姊妹講一句,勝過自己講十句。所以,一直以來都當彼女嘅姊妹是策略性友好伙伴看待,絕對唔會得失任何一位姊妹。

 

自問自己每次見到彼女嘅姊妹都有保持良好形象。喺呢一兩年嘅時間,請食飯、做 Shopping 跟班、義務搬運工,都算做到足。原本以為做好呢啲表面功夫,班姊妹就會喺我有事嘅時候,幫我講兩句好說話。誰不知班女人都算好嘢,唔幫我不特止,重要跣我幾鑊。

 

有一日,彼女拎左我部手機,話幫我set D 嘢。彼女協助彼氏開啟 Find My Friends 功能,等彼女可以全天候監視彼氏嘅位置,免被不法之徒綁架。追問之下,當然就係班好姊妹嘅建議啦。自此之後,彼氏覺得每次出街都好有安全感。

 

之後有一次,彼氏同班兄弟出去食飯,咁啱電話收得唔好,有個幾鐘冇同彼女聯絡。彼氏知道嗰一刻大檸樂了,但係最大鑊嘅唔係彼女搵我唔到,而係佢即時同佢班姊妹講。班好姊妹當然有即刻幫我講好說話啦。

 

真實對白:

彼女「你去咗邊?」

彼氏「食飯囉,啱啱原來收得一格。」

彼女「姊妹話你係去咗地庫嗰間 Bar 飲嘢 wo~」

彼氏「⋯⋯⋯⋯⋯」

 

自此之後,彼氏決定要遠離嗰班靠害姊妹。彼女再叫我同佢班姊妹一齊食飯?不了,要返工。

 

P.S. 彼女接受咗姊妹嘅建議後,彼氏間中都會收到關心嘅 Message⋯⋯ 真係好幸福啊!

【一句講哂:姊妹=女人=累人!】

 

彼氏

九月一日

彼氏 彼女 A Couple of Stories

彼氏 = 男友,彼女 = 女友

這是關於一對情侶的相處逸事

A Couple of Stories:一段經歷,兩種視角

COPYRIGHT 2019 ©ALLGIRLSHK. ALL RIGHTS RESERVED